Reykhólakirkja / hþm.

Sr. Elína Hrund Kristjánsdóttir sóknarprestur á Reykhólum verður með guðsþjónustur víða í prestakalli sínu um jólin, allt vestan frá Gufudal og suður á Skarð á Skarðsströnd. Organisti er Viðar Guðmundsson og félagar í kór Reykhólaprestakalls syngja. Dagskráin um jólin er á þessa leið:

Aðfangadagur

• Hátíðarhelgistund barnanna í Reykhólakirkju kl. 14
• Hátíðarhelgistund í Barmahlíð kl. 16

Annar í jólum, 26. desember

• Hátíðarmessa í Reykhólakirkju kl. 13
• Hátíðarmessa í Gufudalskirkju kl.15
• Hátíðarmessa í Garpsdalskirkju kl. 17

Þriðji í jólum, 27. desember

• Hátíðarmessa í Staðarhólskirkju kl. 13
• Hátíðarmessa í Skarðskirkju kl. 15

Þó að veðurspár verði smám saman traustari er ekki alltaf á vísan að róa þegar spáð er marga daga fram í tímann. Á skammri stundu skipast veður í lofti; óvíða í heiminum eru það frekar orð að sönnu en á Íslandi. Verði messufall vegna veðurs eða færðar einhvers staðar í prestakallinu um jólin verður það tilkynnt hér á vefnum jafnskjótt og það liggur fyrir.