Efstu þrjú pörin: Jón, Eyvindur, Vignir, Guðbrandur, Ólafur, Maríus. Ljósm. Litlihjalli.is / Ingimundur Pálsson.

Héraðsmót í brids (HSS tvímenningur) var haldið í Félagsheimilinu í Trékyllisvík 1. maí, og fór þá hópur úr Bridgefélagi Hólmavíkur sína árlegu ferð norður í Árneshrepp. Spilað var á fimm borðum. Að sögn eins spilaranna, Eyvindar Magnússonar á Reykhólum, voru veitingar og móttökur með afbrigðum góðar að vanda. Efstu þrjú pörin:

1. Vignir Pálsson Hólmavík og Guðbrandur Björnsson Smáhömrum 150 stig.
2. Maríus Kárason Hólmavík og Ólafur Gunnarsson Þurranesi 134 stig.
3. Eyvindur Magnússon Reykhólum og Jón Stefánsson Broddanesi 130 stig.