Hólmavík: En síðan eru liðin mörg ár ...
Kvennakórinn Norðurljós heldur rekstrasjón í félagsheimilinu á Hólmavík milli kl. 16 og 18 á sunnudag, 24. janúar. Orðið rekstrasjón var á sínum tíma notað um skemmtanir með dansi og kaffiveitingum, sem oft voru haldnar um miðjan dag á sunnudögum, og núna ætlar kórinn að bjóða upp á skemmtun af því tagi. Gulli Bjarna og Guðmundur Ragnar spila á nikkurnar, Steini Fúsa stjórnar rosalegu bögglauppboði og veitingar verða til sölu gegn vægu gjaldi.
Skemmtunin er fyrir allan aldur. Miðaverðið er kr. 1000 fyrir fullorðna og kr. 500 fyrir 10-17 ára en frítt inn fyrir yngri. Ekki tekið við kortum.
Kannast ekki annars einhver við þetta (Brimkló/Þorsteinn Eggertsson)?
Ég læðist oft upp á háaloft
til að hnýsast í gömul blöð.
Þegar sit ég einn þar koma upp minningar
og atburðarás verður hröð.
Allir strákar voru í támjóum skóm
og stelpur með túberað hár.
Já, og á sunnudögum var rekstrasjón,
en síðan eru liðin mörg ár.
Og svo framvegis.