Séð yfir Reykhólaþorp.

Þó að þorpið á Reykhólum sé ekki stórt hefur verið sagt að ómögulegt sé að taka mynd af því öllu nema úr lofti. Það gerði Jói á Seljanesi núna í sumar að vissu leyti - að vísu ekki úr flugvél eða flygildi heldur ofan af Reykjanesfjalli. Hér fylgir mynd úr þeirri gönguferð en fleiri er að finna undir Ljósmyndir > Myndasyrpur > Á Reykjanesfjalli 2008 í valmyndinni vinstra megin á síðunni.

Úr því að myndir hér á vefnum eru til umræðu: Í myndasyrpunni Reykhóladagurinn 2008 hafa bæst við nokkrar myndir sem teknar voru í fagnaðinum í íþróttahúsinu um kvöldið.