„Helsti vandi íslenskrar ferðaþjónustu á landsbyggðinni er hvað ferðamannatímabilið er stutt eða um þrír mánuðir. Þetta vandamál þekkja ferðaþjónustufyrirtækin á Vestfjörðum vel. Ef hreindýr væru á svæðinu myndi ferðamannatíminn lengjast um sex vikur og án efa myndu erlendir veiðimenn sækjast í að stunda hreindýraveiðar í hinni stórbrotnu vestfirsku náttúru. Það er því eftir miklu að sækjast. Vestfirsk náttúra er einstök og hér eru stærstu óspjölluðu víðerni í Evrópu. Flestar veiðilendur á meginlandi Evrópu eru á ræktuðu landi og í manngerðum skógum. Hreindýraveiðar í vestfirskri náttúru yrðu án efa mjög eftirsóttar á meðal erlendra skotveiðimanna. Frumkvæðið að fjölgun hreindýra þarf að koma frá sveitarfélögunum.“

 

Þetta segir Magnús Ólafs Hansson atvinnuráðgjafi í Vesturbyggð í grein sem lesa má undir Sjónarmið / Aðsent efni í valmyndinni hér vinstra megin. Hvernig líst íbúum Reykhólahrepps á þessa hugmynd?