« 1 af 3 »

Fyrir skömmu var fólk vinsamlega beðið hér vefnum að vera ekki á ferðinni að óþörfu um varpsvæði fugla í Reykhólahreppi,  

    –engin ástæða er til að ætla að fólk virði það ekki–

 gott er samt að minna á að nauðsynlegt er að fá heimild hjá landeigendum, ef einhverra hluta vegna þarf að fara um þessi svæði.

Einnig er minnt á að hundar mega ekki ganga lausir, heldur verða að vera í bandi, á svæðinu sem tilheyrir þéttbýlinu á Reykhólum, þ.e. frá „pípuhliðinu“ og niður í Karlsey, og kringum Langavatn og Neðravatn. Sama á að flestu leyti við um ketti.

Þetta er rauða svæðið á meðfylgjandi mynd. 

Meiningin með þessum áminningum og tilmælum er ekki að hindra að fólk geti notið útivistar og verið úti í náttúrunni, heldur einungis að minna á að hún er viðkvæm á þessum árstíma.