Það var létt yfir mannskapnum á laugardagsmorgni á Reykhólum.

Þéttskipað við Grettislaug.

Hér er einn heimamaður í morgunkaffi hjá gestunum.

« 1 af 3 »

Tjaldsvæðið við Grettislaug í suðurjaðri þorpsins á Reykhólum er mjög þéttskipað þessa helgina vegna Jónsmessuferðar Húsvagnafélags Íslands. Félagsfólk var yfirleitt snemma á fótum á laugardagsmorgni þó að bæði sólin og fuglarnir væru komin ennþá fyrr á kreik. Einhverjum varð að orði, að fuglarnir sæju til þess með margrödduðu kvaki sínu að mannskapurinn svæfi ekki of lengi.

Ekki verður annað sagt en veðrið leiki við gestina, sumarsól og blíða eins og best verður.