Símenntunarstöðin á Vesturlandi gengst á næstunni fyrir námskeiði hvernig á að útbúa einfaldan en næringarríkan mat fyrir börn frá 6 mánaða aldri. Námskeiðið verður haldið í húsnæði Símenntunar í Borgarnesi fimmtudaginn 5. maí og stendur kl. 19.30 til 21.30. Farið verður yfir hvaða fæðutegundum er gott að byrja á og hvenær. Einnig verður kennt að meðhöndla og búa til rétti sem innihalda til dæmis:

• Ávexti og grænmeti
• Þurrkaða ávexti
• Heilt korn eins og quinoa, hirsi, hafra, spelti o.fl.
• Baunir eins og linsubaunir (afar prótein- og járnríkar)
• Kaldpressaðar olíur
• Möndlumauk og tahini (sesammauk)
• Möndlur og fræ

Námskeiðið nýtist einnig vel þeim sem eru með eldri börn. Nýjar uppskriftir og fróðleiksmolar fylgja með námskeiðinu og verða nokkrir réttir og „drykkir“ útbúnir á staðnum.

 

Leiðbeinandi er Ebba Guðný Guðmundsdóttir, kennari. Verð kr. 6.900.

 

Skráning í netfanginu skraning@simenntun.is og í síma 437 2390.