Vestfjarðavegur 60 sumarið 2010.

„Sama dag og Ögmundur ráðherra samgöngumála sló okkur utan undir og veitti áframhaldandi byggð og uppbyggingu í Barðastrandarsýslum náðarhöggið, sem helst mætti líkja við hryðjuverk, þá klippti hann á borðann á nýrri brú yfir Hvítá suður í Hrunamannahreppi, þannig að nú geta sveitungar í Bláskógabyggð nýtt sér Ríkið á Flúðum og íbúar í Hrunamannahreppi geta farið í banka hinumegin við Hvítá. Greinilega gildir ekki sama mat á því hvar er brýn þörf á samgöngubótum. Nú óttast ég að þolinmæði Vestfirðinga sé á þrotum. Við sættum okkur ekki lengur við þetta aðgerðaleysi í vegamálum“, eru niðurlagsorð Kolbrúnar Pálsdóttur, sem er fyrrverandi bæjarfulltrúi í Vesturbyggð (formaður bæjarráðs í sex ár) og nú hótelstýra í Bjarkalundi í Reykhólasveit, í grein sem hún sendi vefnum til birtingar.

Grein Kolbrúnar í heild er að finna undir Sjónarmið / Aðsent efni í valmyndinni hér til vinstri undir ofanritaðri fyrirsögn.

Sjá einnig:

09.09.2011  Úrskurður varðandi vegamálin: Sama leið áfram (21 aths. hafa verið skrifaðar síðdegis 14. sept.)