Guðjón D. Gunnarsson.

„Það kom eins og köld vatnsgusa framan í mig þegar mér var sagt nýlega, að Vogaland væri selt og á eina milljón króna. [...] Enga fann ég bókun um söluna í fundargerðum hreppsnefndar, hvorki samþykkt fyrir því að selja ætti Vogaland né heldur fyrir gerðum hlut. Nú vantar mig skýringar: Hvers vegna selja Vogaland án auglýsingar? Hvers vegna selja Vogaland án samþykktar hreppsnefndar (lögbrot)? Hvers vegna þennan feluleik?“

Þannig kemst Guðjón D. Gunnarsson á Reykhólum að orði í opnu bréfi til sveitarstjórnar Reykhólahrepps, sem hann sendi vefnum til birtingar. Bréfið í heild er að finna undir Sjónarmið í valmyndinni vinstra megin og líka hér.