« 1 af 4 »

Íbúum í Reykhólahreppi fjölgaði um 9 frá 1. janúar 2012 til 1. janúar 2013 eða úr 271 í 280 samkvæmt mannfjöldatölum Hagstofu Íslands sem birtar voru í morgun. Á Reykhólum fjölgaði um 12 en í sveitunum fækkaði um 3. Íbúafjöldinn í hreppnum er nánast sá sami og 1. janúar árið 2004 þó að svolitlar sveiflur hafi verið á tímabilinu. Á myndunum sem hér fylgja eru bæði súlurit og töflur sem sýna mannfjöldann í Reykhólahreppi og á Reykhólum síðasta áratuginn. Í töflunum kemur fjöldi karla og kvenna auk þess fram (rauðar tölur þar sem karlar eða konur eru fleiri hverju sinni).

Smellið á myndirnar til að gera þær læsilegri.