Sveitarfélög eru alvarlega að íhuga að fækka kennslustundum í grunnskólum í hagræðingarskyni. Halldór Halldórsson, formaður Sambands íslenskra sveitarfélaga og bæjarstjóri Ísafjarðarbæjar, segir það ekki skipta máli hvort kennslustundirnar séu 37 eða 35, það verði að hagræða í skólakerfinu eins og öðru. Hann segir að stefnt sé að því að minnka það framboð sem verið hafi og um leið verja störfin.

 

Halldór segist treysta kennurum og skólastjórnendum til að gera sitt besta til að niðurskurðurinn bitni ekki á náminu.

 

ruv.is