Árný Huld, Karl, Ingibjörg Birna og Ingimar - mynd Lovísa Ósk Jónsdóttir

Í dag, 10. ágúst var síðasti vinnudagur Ingibjargar Birnu Erlingsdóttur í starfi sveitarstjóra Reykhólahrepps. Af því tilefni færði sveitarstjórn henni formlegar þakkir og blómvönd, fyrir hennar góðu störf undanfarin 8 ár.

Ingibjörg hefur sinnt starfi sínu af hógværð og vandvirkni en jafnframt festu, og skilar góðu búi til þess sem tekur við.

Inga Birna er samt ekkert á förum úr sveitinni, svo við eigum áfram góða sveitunga og granna, þar sem hennar fjölskylda er.

Á meðfylgjandi mynd eru Árný Huld Haraldsdóttir varaoddviti, Karl Kristjánsson sveitarstjórnarmaður, Ingibjörg Birna Erlingsdóttir fráfarandi sveitarstjóri og Ingimar Ingimarsson oddviti.

Umsjónarmaður vefjarins þakkar Ingu Birnu frábært samstarf.