Hópurinn í búningunum í marki.

Þannig er bakið á peysunni.

« 1 af 2 »

Öll ungmenni á aldrinum 6-16 ára innan vébanda Ungmennasambands Dalamanna og Norður-Breiðfirðinga (UDN) fá jakka að gjöf frá sambandinu. Meðal aðildarfélaga UDN er Ungmennafélagið Afturelding í Reykhólahreppi. Jakkinn er með auglýsingum frá fyrirtækjum á Dala- og Reykhólasvæðinu, sem styrkja starfið. Hjá Aftureldingu voru jakkarnir afhentir þeim ungmennum sem komu á fyrsta kvöldmót félagsins í Búðardal í gærkvöldi.

Síðan getur fólk pantað buxur og peysur að vild til viðbótar. Gallinn er rauður og svartur og hvítur, buxurnar svartar. Hafið samband við Herdísi Ernu Matthíasdóttur á Reykhólum. Hún tók myndirnar sem hér fylgja.