Ljósadýrð á Reykhólum.

Undanfarið hafa jólaljós og aðrar jólaskreytingar breiðst út um þorpið á Reykhólum líkt og annars staðar. Þar á meðal eru jólatrén árvissu sem starfsmenn Reykhólahrepps setja upp á „Markúsartorginu“ á mótum Maríutraðar og Hellisbrautar og við Dvalarheimilið Barmahlíð.

Næturmyndin sérkennilega sem hér fylgir er tekin rétt við verslunina Hólakaup þar sem ekið er inn í bæinn.