Leikfélagið Skrugga í Reykhólahreppi ætlar að halda svolítið kaffihússkvöld í borðsal Reykhólaskóla fimmtudagskvöldið 6. desember. Á dagskránni verða söngur, jólasaga og margt fleira. Kannski kíkir jólasveinn í heimsókn. Eitthvað í boði fyrir alla fjölskylduna. Gamanið hefst kl. 19.

Kaffi, kakó og smákökur verða á borðum.

Aðgangseyrir verður 1.000 krónur fyrir fullorðna, 500 krónur fyrir 7-16 ára en sex ára og yngri fá frítt inn.

Vonumst til að sjá sem flesta, segir Skruggufólk.