Leikfélagið Skrugga í Reykhólahreppi efnir til kaffihússkvölds og jólagleði annað kvöld, fimmtudagskvöldið 6. desember, í borðsal Reykhólaskóla. Á dagskránni verða söngur, jólasaga og margt fleira. Búast má við jólasveini í heimsókn. Eitthvað í boði fyrir alla fjölskylduna. Gamanið hefst kl. 19. Á borðum verða kaffi, kakó og smákökur.

Aðgangseyrir verður 1.000 krónur fyrir fullorðna, 500 krónur fyrir 7-16 ára en ekkert kostar inn fyrir 6 ára og yngri.

Liðsfólk Skruggu vonast til að sjá sem allra flesta á skemmtuninni.