Króksfjarðarnes. Ljósm. Árni Geirsson.

Jólamarkaðurinn í Kaupfélagshúsinu í Króksfjarðarnesi sem er fyrir löngu orðinn fastur liður og fjölsóttur viðburður á hverju ári verður núna um helgina, fyrstu helgi í aðventu. Opið verður bæði laugardag og sunnudag kl. 13-17. Bóka- og nytjamarkaðurinn sem rekinn er yfir sumarið verður á sínum stað, fyrir utan allt annað. Kvenfélagið Katla í Reykhólahreppi selur vöfflur. Tilvalið tækifæri að sýna sig og sjá aðra (og kaupa sitthvað til jólanna).

Samtök og félög sem standa að jólamarkaðinum í Nesi að þessu sinni eru (í stafrófsröð) - og mannskapurinn hlakkar auðvitað til að sjá sem allra flesta í jólaskapi:

• Björgunarsveitin Heimamenn
• Handverksfélagið Assa
• Krabbameinsfélag Breiðfirðinga
• Kvenfélagið Katla
• Lionsdeild Reykhólahrepps
• Nemendafélag Reykhólaskóla
• Starfsmannafélag Barmahlíðar
• Vinafélag Barmahlíðar
• Vinafélag Grettislaugar

Sjá einnig:

Lionsfólk í Reykhólahreppi selur Bækurnar að vestan