Jólamarkaðurinn árvissi í Kaupfélagshúsinu í Króksfjarðarnesi verður núna á laugardag og sunnudag kl. 13-18 báða dagana. Á boðstólum verða handunnir munir, kerti, greni, bækur og margt fleira, auk þess sem kvenfélagið selur kaffi og kökur.

Að markaðinum standa (talið í stafrófsröð):

• Björgunarsveitin Heimamenn
• Handverksfélagið ASSA
• Krabbameinsfélag Breiðfirðinga
• Kvenfélagið Katla
• Lionsdeildin á Reykhólum
• Nemendafélag Reykhólaskóla
• Vinafélag Barmahlíðar

Á laugardag verður kynnt bók um Jóhannes Arason frá Múla í Kollafirði (1913-2009). Meðal viðfangsefna Jóhannesar um dagana var grjót- og torfhleðsla víða um land. Hæfileikar í þeirri list eru ættgengir eins og kunnugt er.