Jón Bjarnason, sjávarútvegs- og landbúnaðarráðherra.

Opinn fundur um sjávarútvegs- og landbúnaðarmál verður í Félagsheimilinu á Hólmavík á fimmtudag, 10. nóvember, og hefst kl. 17. Þar flytur Jón Bjarnason sjávarútvegs- og landbúnaðarráðherra framsögu um málaflokka sína, stöðu þeirra í dag og fyrirhugaðar breytingar. Á fundinum verða einnig stuttar framsögur þar sem farið verður yfir stöðuna í þessum stóru málaflokkum á Ströndum og nýsköpun í þessum atvinnugreinum.

Dagskráin verður sem hér segir:

• Sjávarútvegs-og landbúnaðarmál: Jón Bjarnason, sjávarútvegs- og landbúnaðarráðherra
• Ávarp: Jón Jónsson, varaoddviti í Strandabyggð
• Landbúnaðarmál: Matthías Lýðsson, bóndi í Húsavík
• Sjávarútvegsmál: Óskar Torfason, framkvæmdastjóri fiskvinnslunnar Drangs ehf. á Drangsnesi
• Sjávarútvegsmál: Már Ólafsson, sem á sæti í stjórn Landssambands smábátaeigenda og stjórn Stranda, félags smábátaeigenda í Strandasýslu
• Pallborðsumræður

Fundarstjóri er Ingibjörg Valgeirsdóttir, sveitarstjóri í Strandabyggð.

Fólk í Reykhólahreppi rétt eins og aðrir áhugasamir er hvatt til að sækja fundinn.