Hjónin Þuríður Sumarliðadóttir og Jón Friðriksson á Gróustöðum á jólum fyrir nokkrum árum.

Þuríður með ömmustrákinn Smára Gilsfjörð. Jón Oddur fremst á myndinni. Fjær á myndinni eru Vignir, tengdasonur sonarins Friðriks Jónssonar, og Bergsveinn, tengdasonur Jóns og Þuríðar.

Hér er Þuríður Sumarliðadóttir eiginkona afmælisbarnsins með langömmustelpuna Elínborgu Birnu Vignisdóttur. Jón Oddur er fyrir miðju en Vignir sonartengdasonur er hægra megin á myndinni.

« 1 af 3 »

Jón Oddur Friðriksson á Gróustöðum við Gilsfjörð er 85 ára í dag, þann 8. nóvember. Hann ber aldurinn vel, er snemma á fótum á hverjum morgni og kominn út til að gefa hænunum. Hann er bifvélavirki af guðs náð og alltaf eitthvað að sýsla. Í kjallaranum er Jón með renniverkstæði og hefur þar nóg að iðja. Núna í vor keypti hann bíl til að nota sem húsbíl, smíðaði í hann innréttingu og svo var farið í reisu.

„Hann er óskaplega vinnusamur, eiginlega vandræði að halda aftur af honum í heyskapnum,“ segir tengdasonurinn Bergsveinn Reynisson (Beggi á Gróustöðum).

Árið 2012 hefur annars verið allmikið afmælisár á Gróustöðum. Friðrik Jónsson varð 55 ára, Signý Magnfríður Jónsdóttir (Magga eiginkona téðs Begga) 50 ára og Bjarki Stefán Jónsson 45 ára.

Smellið á myndirnar til að stækka þær.