Skriðuland í Saurbæ.

Venjubundinn konuhittingur verður á Skriðulandi í Saurbæ annað kvöld, þriðjudagskvöld. Hann hefst kl. 20 og stendur eins lengi og hentar. Léttar veitingar í boði. Konur hafi með sér einhverja handavinnu. Karlar mega koma líka enda hafi þeir einnig með sér handavinnu og lofi að einbeita athyglinni að henni.

Hittingar þessir hafa verið á Skriðulandi annan hvern þriðjudag síðustu mánuði. Dóra á Skriðulandi segir að hingað til hafi enginn karl látið sjá sig þar. Konur hafa hins vegar yfirleitt verið milli tuttugu og þrjátíu.

Væntanlega verður síðasti hittingurinn af þessu tagi á þriðjudagskvöldið eftir hálfan mánuð. Eftir það tekur sauðburður við í sveitum og síðan almenn vorverk. Þess vegna má búast við að lítill tími verði fyrir handavinnu og hittinga þangað til vetur er genginn í garð á nýjan leik.