Tumi smalar þrjátíu rjúpnakörrum í Kvenfélagsgirðingunni á Reykhólum.

Óvenjulítið hefur borið á rjúpu í þorpinu á Reykhólum í vetur, að því er kunnugir segja. Síðustu daga hefur þó mátt sjá eina og eina, en í dag brá svo við að nokkrir tugir voru komnir í Kvenfélagsgirðinguna fyrir neðan kirkjuna. Allt voru þetta karrar og voru ofurspakir þannig að þeir högguðust varla þótt gengið væri að þeim.

Það kom best í ljós þegar Tómas Sigurgeirsson bóndi á Reykhólum gekk í kringum hópinn og stuggaði við honum í rólegheitum. Trúlega er sauðféð í Reykhólahreppi frárra á fæti í smalamennskum á haustin.