28. mars 2014 | vefstjori@reykholar.is
Kastarar á farartæki björgunarsveitarinnar
Eiríkur, Landróverinn og Brynjólfur.
Skammt er stórra gjafa milli til Björgunarsveitarinnar Heimamanna í Reykhólahreppi. Verktakafyrirtækið Verklok ehf. (Brynjólfur Víðir Smárason frá Borg) gaf sveitinni ljóskastara bæði á jeppann hennar (Landróverinn öfluga) og snjóbílinn. En - þar sem svo vill til að Brynjólfur er líka formaður björgunarsveitarinnar gat hann ekki með góðu móti veitt gjöfinni viðtöku frá sjálfum sér, og það gerði þess vegna varaformaðurinn Eiríkur Kristjánsson.
Eyvindur, laugardagur 29 mars kl: 09:29
Fyrir utan ótrúlegt sjálfboðaliðastarf og notkun á tækjum og tólum, sem Verklok á, í þágu Heimamanna sá hann sig knúinn til að splæsa kösturum í þokkabót. Takk Brynjólfur og takk Sandra og fjölskylda að lána okkur hann.