Kort úr grunni Landmælinga Íslands.

Í fundarboði sem dreift hefur verið vegna aðalfundar Fornleifafélags Barðstrendinga og Dalamanna hefur dagsetning hans misritast. Fundurinn verður þriðjudaginn 19. maí en ekki á miðvikudag eins og þar stendur. Hann verður haldinn í Stjórnsýsluhúsinu í Búðardal og hefst kl. 20. Að loknum venjulegum aðalfundarstörfum mun Þorvaldur Friðriksson fornleifafræðingur og fréttamaður á Ríkisútvarpinu flytja erindi um keltnesk menningaráhrif við Breiðafjörð og í Dölum að fornu og nýju.

Meðal annars mun Þorvaldur fjalla um keltnesk örnefni, keltnesk hús og rannsóknina sem gerð var í Dagverðarnesi við mynni Hvammsfjarðar.