Símenntunarstöðin á Vesturlandi gengst á næstunni fyrir kennslu í notkun Facebook, samskiptavefjarins vinsæla. Allir geta auðveldlega lært að nota þennan vef. „Skemmtilegt námskeið sem hjálpar fólki að finna gömlu vinina eða finna út hvað barnabörnin eru að gera“, segir í tilkynningu. Kennslan tekur aðeins einn og hálfan tíma en það nægir alveg til að ná valdi á Facebook.

 

Kennt verður í Auðarskóla í Búðardal miðvikudaginn 23. febrúar og félagsheimilinu Tjarnarlundi í Saurbæ miðvikudaginn 2. mars. Í báðum tilvikum er kennt frá kl. 19.30 til kl. 21. Leiðbeinandi er Valdís Einarsdóttir. Verð kr. 5.000. Skráning í síma 437 2390 og í netfanginu skraning@simenntun.is.