Breiðfirðingakórinn 2015.

Breiðfirðingakórinn á sitthvað fyrir höndum á aðventunni og hefur verið að undirbúa sig af kappi fyrir tónleika og skemmtilegheit. Fyrst syngur hann jólalög í Breiðfirðingabúð á Aðventudegi fjölskyldunnar kl. 14.30 núna á sunnudaginn, 6. desember.

Jólatónleikar kórsins verða í Fella- og Hólakirkju kl. 20 fimmtudaginn 10. desember. Þar ætlar hann að flytja gömul jólalög í bland við ný og koma þannig tónleikagestum í hátíðarskap.

Helgina 19.-20. desember mun kórinn ganga um miðborg Reykjavíkur og syngja á Laugavegi og Skólavörðustíg, í Bankastræti og Austurstræti og á Ingólfstorgi milli kl. 15 og 16 báða dagana.

Kórstjóri er Julian M. Hewlett, einsöngvari Íris Sveinsdóttir og meðleikari Guðríður St. Sigurðardóttir.

Miðaverð á jólatónleikunum í Fella- og Hólakirkju er kr. 3.000 við innganginn en kr. 2.500 í forsölu hjá kórfélögum. Frítt fyrir 14 ára og yngri.

Breiðfirðingabúð er að Faxafeni 14 í Reykjavík.

Félagar í Breiðfirðingakórnum

Vefur Breiðfirðingafélagsins