Ákveðið hefur verið að endurvekja mótorhjólaklúbbinn Reykhólar MC, en hann hefur legið í dvala í meira en öld. Vinsældir slíkra klúbba fara mjög vaxandi hérlendis eins og fram hefur komið í fréttum. Foringi klúbbsins Reykhólar MC frá stofnun og allt þar til hann lognaðist út af var Ásmundur „Boom“ Jónsson, bóndasonur og síðan bóndi í Neðra-Koti í Reykhólasveit (löngu komið í eyði).

Fundist hefur á Þjóðskjalasafni plakat klúbbsins með mynd af Ásmundi og mótorhjóli hans (sjá meðf. mynd).

Það orð lá á, að Ásmundur og félagar hans legðu stund á eggjaþjófnað og terroríseruðu föruskáld og seli en slíkt varð aldrei sannað. Aftur á móti hefur geymst vísa eftir föruskáldið Tómas Geirdæling um Ásmund og segir hún sitt:

          Ofsækir oss alla tíð,

          einkum nærri jólum.

          Illur maður ár og síð,

          Ásmundur á hjólum.

Þeir sem vilja ganga í klúbbinn skrái sig í netpósti. Konur velkomnar að því tilskildu að þær hafi ekki mannsvit.

Endurstofndagur klúbbsins Reykhólar MC er 1. apríl 2012.