En er ekki hægt að fá að fara inn í samþykkt eldhús? Td í skólum eða félagsheimilum. Matís er með aðstöðu sem er hægt að leigja á Flúðum og Höfn. Eru þá ekki mötuneytiseldhús ásættanleg. Stemning að mæta þar og steikja fjall af kleinum eða baka saman hópur af fólki.

Sveitafélög væru jafnvel tilbúin að leifa notkun á skólaeldhúsum, mötuneytum eða öðru sem fellur undir ásættanlegt eldhús.

Ég leyfi mér að skora á öll kvenfélög á landinu og aðra þá, sem afla fjár til góðra mála með óeigingjarnri sjálfboðavinnu að halda sínu striki og baka og selja þrátt fyrir meint bann.

Í ljós hefur nefnilega komið að þetta bann er vægast sagt byggt á hæpnum túlkunum á lögum eða reglugerðum og yrði vísast ógerningur fyrir yfirvöld að ætla að dæma einn eða neinn á forsendum þeirra.

Um víða veröld, m.a. í Evrópusambandslöndum, tíðkast alls konar matarbasarar og götusala - bæði sem lifibrauð og góðgerðarstarfsemi.

Vandana Shiva, sem var í viðtali í Silfri Egils á sunnudaginn sagði þetta í fyrirlestri sínum um heimabakstur og götusölu:

http://www.youtube.com/watch?v=MwNO3-La_Hs

Á Indlandi er verið að bannfæra ferska matvöru, banna sölu á heimabakstri og götusölu, sem er inngróin menningarheimi Indverja - ekkert má selja nema í álumbúðum. Þarna eru stórfyrirtæki og álbræðslur vísvitandi að skapa gerviþörf fyrir ál til þess að geta haldið áfram að græða á kostnað heilu samfélaganna.

Þetta er rétt hjá Vandönu Shiva og nægir að nefna lyf, sem sjást varla lengur í lyfjaglösum heldur er þeim nú æ oftar pakkað inn í álþynnur.

Áfram kökubasarar og kvenfélög!