„Okkur vantar fjóra þátttakendur til að fara af stað með þetta námskeið“, segir í tilkynningu frá Símenntunarmiðstöðinni á Vesturlandi. Um er að ræða stutt námskeið þar nemendur læra að gera góðar ljósmyndir enn betri og jafnvel bjarga ónýtum myndum. Líka verður farið í skipulag mynda á tölvu, miðlun þeirra á netinu og gerð ljósmyndabóka, ásamt fleiru.

Námskeiðið verður haldið í Brekkubæjarskóla á Akranesi á þriðjudögum frá 29. janúar til 5. mars kl. 19.30 til 21 (6 skipti).

Möguleiki er á því að taka þetta námskeið í fjarnámi, en með því er átt við að hægt er að sjónvarpa kennslunni yfir netið, þannig að þeir sem eiga ekki heimangengt geta fylgst með og tekið þátt í hverri kennslustund. Varðandi vinnu verkefna verður reynt að koma til móts við þá sem ekki geta mætt í eiginlega tíma með hjálp eftir öðrum leiðum.

Notast verður við Picasa-myndvinnsluforritið (ókeypis) og möguleikar þess kynntir, m.a. þetta:

• Laga myndir (skerpa, lýsing, litur, mettun)
• Breyta myndum: Klippa/kroppa, minnka, létta fyrir netið eða tölvupóst
• Prenta út myndir: Prentstillingar, prenta út fleiri en eina mynd eða blað
• Flokka myndir með Picasa
• Búa til myndasýningar, m.a. með því að búa til vídeó
• Hlaða upp myndum í vefgallerí Picasa
• Setja myndavídeó inn á YouTube

Leiðbeinandi er Kristinn Pétursson, sjálfstætt starfandi kvikmyndagerðarmaður, vefhönnuður og umbrotsmaður. Hann starfar einnig við kennslu og námskeiðahald.

Verðið er kr. 21.900. Skráningar í síma 437 2390 eða í tölvupósti: skraning@simenntun.is.