17. maí 2009 |
Komið að sumarlokun bókasafnsins á Reykhólum
Síðasti afgreiðsludagur fyrir árlega sumarlokun Héraðsbókasafns Reykhólahrepps verður á þriðjudaginn og verður þá opið kl. 16-18 eins og venjulega. Kennararnir Ásta Sjöfn og Kolfinna Ýr sem hafa umsjón með safninu hvetja alla sem eru með bækur í láni til að skila þeim og nota jafnframt tækifærið að taka bækur fyrir sumarið.
Síðan er vonast til að allir sjáist hressir og kátir á nýjan leik að hausti í stærra húsnæði sem safninu hefur hlotnast í gamla íþróttasalnum í Reykhólaskóla.