Konnakot: Franskir fiskimenn á skútuöldinni
María Óskarsdóttir á Patreksfirði hefur undanfarin sextán ár safnað heimildum um veru franskra fiskimanna hér við land á skútuöldinni. Vorið 2012 gaf hún út bók á frönsku með samskiptasögum Íslendinga og Fransmanna. Einnig hefur hún haldið fyrirlestra og verið með sýningar tengdar þessu viðfangsefni hér á Íslandi, á Bretagneskaga og í Normandí.
Um nokkurra ára skeið hefur hún einnig verið með sýningu á heimili þeirra hjóna á Patreksfirði, þar sem bæði eru munir og myndir, íslenskir og franskir, ásamt fjölda bóka um þetta tímabil.
María ætlar núna á fimmtudagskvöldið, 26. nóvember, að koma í heimsókn í Konnakot, félagsheimili Barðstrendingafélagsins að Hverfisgötu 105 í Reykjavík, og vera með myndasýningu sem hefst kl. 20.
Aðgangseyrir er kr. 500 og rennur óskiptur til Björgunarsveitarinnar Blakks á Patreksfirði. Allir eru velkomnir og heitt á könnunni.
Sjá einnig:
Frönsku fiskimennirnir á faraldsfæti