Freyja Ólafsdóttir í Leifsbúð í Búðardal - fyrrverandi Bjarkalundarkokkur - minnir á konukvöld á laugardag, svona áður en sumarið kemur í alvörunni, eins og hún komst að orði. Heimakonur og aðrar vanar ætla að vera með kynningar á ýmsum vörum og líka verður vínkynning frá Ölgerðinni. Síðan ætlar Helga Braga, ein skemmtilegasta kona landsins, að taka svolitla syrpu og skemmta mannskapnum. Vorlegt hlaðborð verður í boði.

 

„Ég vil alveg endilega fá hressar konur úr Reykhólasveitinni til mín á þessa frábæru skemmtun“, segir Freyja.

 

Allar nánari upplýsingar er að finna hér (pdf). Tekið skal fram, að meðfylgjandi mynd er úr auglýsingunni sem Freyja sendi vefnum.