Tenglar

21. febrúar 2014 | vefstjori@reykholar.is

Konur bjóði körlum í kirkju

Taizé-kross.
Taizé-kross.

Núna á sunnudag er í senn biblíudagurinn og konudagurinn, fyrsti dagur góu. Um kvöldið kl. 20 verður samverustund í Reykhólakirkju, taizekvöldstund, og sr. Elína Hrund sóknarprestur segir: „Konur, bjóðið körlum með í kirkju! Við heyrum um konurnar í Biblíunni.“

 

Viðar Guðmundsson organisti spilar og kórinn leiðir sönginn. Kaffi og konfekt í lokin.

 

- En hvað er taizémessa eða taizésamvera?

 

Taizémessa er helg samvera, bæna- og íhugunarstund. Messuformið er einfaldara en í hinni hefðbundnu sunnudagsmessu og byggt á einföldum laglínum við stutta texta ritningarinnar. Þessi vers eru oft endurtekin og sungin til íhugunar. Form taizémessunnar er einfalt og einlægt. Kertaljós og reykelsi og fólk finnur ilminn þegar inn kemur. Stutt ávarp er flutt en ekki eiginleg prédikun. Lestrar eru úr Davíðssálmum, bréfum Nýja testamentisins eða spámannaritunum og guðspjöllunum. Þetta form er þekkt víða um heim og kennt við þorpið Taizé sem er skammt frá Cluny í Frakklandi.

 

Skrifaðu athugasemd:


Atburðadagatal

« Mars 2024 »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31