Konur stöðugt fleiri meðal starfsmanna hreppsins
Níu af hverjum tíu starfsmönnum Reykhólahrepps eru konur. Núna í vetur birtist hér á vefnum frétt undir fyrirsögninni Kvennaveldi í Reykhólahreppi með tengingu í aðsenda grein undir fyrirsögninni Reykhólahreppur er kvennaríki. Auk þess sem vakin er athygli á athugasemdunum sem skrifaðar voru þar fyrir neðan skulu hér tilfærðar upplýsingar um hlutfall kvenna í hópi starfsmanna Reykhólahrepps frá 2004. Á hverju ári þarf að skila skýrslu til Sambands íslenskra sveitarfélaga um stöðugildi í hreppnum. Hér má sjá hvernig þróunin hefur verið (staðan í apríl hverju sinni) á undanförnum árum.
|
|
S t ö ð u g i l d i Alls - Karlar / Konur
|
K a r l a r |
K o n u r |
|
2004 |
37,2 - 14,0 / 23,2 |
38% |
62% |
|
2005 |
37,0 - 11,0 / 26,0 |
30% |
70% |
|
2006 |
- upplýsingar vantar- |
|
|
|
2007 |
31,4 - 6,3 / 25,1 |
20% |
80% |
|
2008 |
31,6 - 7,6 / 24,0 |
24% |
76% |
|
2009 |
28,2 - 6,6 / 21,6 |
23% |
77% |
|
2010 |
37,7 - 9,0 / 28,7 |
24% |
76% |
|
2011 |
37,3 - 6,0 / 31,3 |
16% |
84% |
|
2012 |
32,9 - 3,3 / 29,6 |
10% |
90% |
Öfugt við það sem almennt gerist á landsbyggðinni eru konur í Reykhólahreppi fleiri en karlar. Þetta hlutfall (konur fleiri en karlar) er jafnan talið meðal þess sem geri sveitarfélög ákjósanlegri til búsetu og allra lífshátta yfirleitt - og þá alls ekki eingöngu fyrir karlana.
Í ársbyrjun 2012 voru íbúar í Reykhólahreppi 271 skv. tölum Hagstofu Íslands, þar af 134 karlar og 137 konur. Ef aðeins er litið á fólk 18 ára og eldra var um að ræða 212 manns, þar af 103 karla og 109 konur.
Í töflunni hér fyrir ofan eru karlar taldir á undan konum. Þar er farið eftir venju Hagstofunnar og líka því sem viðgengist hefur í veröldinni frá ómunatíð. Eða hver veit til skamms tíma hérlendis (fram á síðari áratugi) um konur í störfum hreppsnefndarmanna eða hreppstjóra eða sveitarstjóra eða vörubílstjóra eða stríðsherra eða framkvæmdastjóra eða skrifstofustjóra eða verkstjóra? Verkstjóra? Nema þá sem verkstjóra yfir vinnukonum í þvottastandi og eldamennsku á efnaheimilum þar sem kallinn drottnaði yfir eiginkonunni harðri hendi sem drottnaði yfir vinnukonunum harðri hendi.
Hagstofan heldur sig einfaldlega við það sem alla tíð hefur viðgengist - fjallað er um karla fyrst. Þegar konurnar koma til mannkynssögunnar á annan hátt en sem hjásofelsi og mæður og sýningargripir til monts og sokkaþvottamanneskjur og eldakellíngar er þeirra getið neðanmáls eða fyrir aftan. Ef þeirra er þá getið á annað borð.
Orðalagið damerne først gilti lengst af sem kurteisi karla sem drottnuðu yfir konunum og létu drottinvald sitt mildilegast og yfirdánugast í ljós einmitt á þann hátt.
Sagt hefur verið frá ómunatíð: Heimur versnandi fer.
Finnst lesendum það gilda í þessu samhengi? Almennt? Í Reykhólahreppi?
► 14.01.2012 Kvennaveldi í Reykhólahreppi (sjá líka athugasemdir þar fyrir neðan)