Kór Neskirkju.

Kór Neskirkju í Reykjavík heldur tónleika í Hólmavíkurkirkju kl. 18 á föstudagskvöld, 7. júní. Efnisskráin er fjölbreytt og falleg en þar eru auk annarra verk eftir Giovanni Pierluigi da Palestrina, Hildigunni Rúnarsdóttur og Ola Gjeilo. Stjórnandi er Steingrímur Þórhallsson. Aðgangur er ókeypis.

Þetta eru fyrstu tónleikarnir af þrennum í ferð kórsins norður á bóginn, en síðan verða tónleikar í Hvammstangakirkju kl. 17 á laugardag og í kirkjunni á Þingeyrum í Vesturhópi kl. 16 á sunnudag.