4. nóvember 2014 | vefstjori@reykholar.is
Kóratónleikar á Laugum í Sælingsdal
Karlakór Kjalnesinga.
Karlakór Kjalnesinga og Karlakórinn Kári frá Stykkishólmi halda sameiginlega tónleika á Laugum í Sælingsdal núna á laugardaginn og hefjast þeir kl. 16. Á dagskránni verða kraftmikil karlakóralög í bland við léttara efni, segir Andri Þór Gestsson, formaður Karlakórs Kjalnesinga. Enginn aðgangseyrir.
Karlakór Kjalnesinga hefur á að skipa um það bil 60 mönnum og er stjórnandi hans Örlygur Atli Guðmundsson. Karlakórinn Kári frá Stykkishólmi er 20 manna kór og er stjórnandi hans Hólmfríður Friðjónsdóttir.