Atkvæðagreiðsla utan kjörfundar í Reykhólahreppi í þjóðaratkvæðagreiðslunni um IceSave verður á morgun, þriðjudag 5. apríl kl. 13-15. Kosið verður á skrifstofu Reykhólahrepps við Maríutröð á Reykhólum. Nánari upplýsingar veitir sýslumaður í síma 450 2200. Auk þess er hægt að kjósa utan kjörfundar hjá embætti sýslumannsins á Patreksfirði og hjá öðrum sýslumönnum.

Sjá hér í heild auglýsingu frá sýslumanni (pdf).

Í atkvæðagreiðslunni verður spurt á þennan hátt:

Lög nr. 13/2011 kveða á um heimild til handa fjármálaráðherra til að staðfesta samninga, sem áritaðir voru í London 8. desember 2010, um ábyrgð á endurgreiðslu Tryggingarsjóðs innstæðueigenda og fjárfesta til breska og hollenska ríkisins á kostnaði af greiðslu lágmarkstryggingar til innstæðueigenda í útibúum Landsbanka Íslands hf. í Bretlandi og Hollandi og greiðslu eftirstöðva og vaxta af þeim skuldbindingum.

Lögin voru samþykkt á Alþingi hinn 16. febrúar 2011 en forseti Íslands synjaði þeim staðfestingar.

Eiga lög nr. 13/2011 að halda gildi?

Svarkostirnir eru:

- Já, þau eiga að halda gildi.

- Nei, þau eiga að falla úr gildi.

Ýmsar frekari upplýsingar er að finna hér á kosningavef innanríkisráðuneytisins.