Kristinn Bergsveinsson.

„Endurbygging 50 ára gamalla vega í Gufudalssveit er nú sett aftarlega á merina eins og oft áður. Það ferðast enginn á yfirlýsingum þínum eða fyrrverandi ráðherra. Allar hafa þær verið markleysa hvað varðar þessa leið. Það er því krafa að farið verði að láta verkin tala og hefja framkvæmdir. Annað væri áframhaldandi lítilsvirðing við íbúa og aðra sem búa við „þessa verstu vegi á landinu" eins og þú komst sjálfur að orði eftir að þú hafðir farið þessa leið haustið 2007", segir Kristinn Bergsveinsson frá Gufudal, nú búsettur á Reykhólum, í opnu bréfi til Kristjáns L. Möller samgönguráðherra.

„Ég hef fullan skilning á að fresta þurfi fjárfrekum framkvæmdum nú þegar kreppir að. Þessi leið þolir þó engar tafir lengur. Nógu oft er búið að draga menn á asnaeyrum með loforðum sem ekki hafa staðist", segir Kristinn frá Gufudal ennfremur.

Opið bréf hans til ráðherra er í heild undir Sjónarmið / Aðsent efni í valmyndinni hér vinstra megin á síðunni.