Fjáraukalög eru tæki stjórnvalda til að taka á ófyrirséðum áföllum í rekstri opinberra verkefna og einnig til að koma af stað brýnum verkefnum. Fjórðungssamband Vestfirðinga (FV) leggur áherslu á það í umsögn til Alþingis, að tekið verði á tveim verkefnum sem falla undir framangreinda flokka.

Annars vegar krefst sambandið þess að framlög til Byggðasamlags Vestfjarða um málefni fatlaðs fólks verði aukin á árinu 2015 til að mæta sértækum rekstrarvanda í þessum málaflokki.

Hins vegar fagnar sambandið því að nú verði veitt fjármagni til að efla sjávarflóðarannsóknir, enda um brýnt mál að ræða vegna hækkandi sjávarstöðu. Aftur á móti eru það jafnframt mikil vonbrigði, að ekki er lögð áhersla á uppbyggingu starfsstöðvar Veðurstofu Íslands á Ísafirði á þessu starfssviði.

Þetta kemur fram á vef Fjórðungssambandsins.

Sjá hér umsögn FV til Alþingis