15. október 2014 | vefstjori@reykholar.is
Krakkarnir samheldnir og skemmtilegir
Frá foreldrafundinum.
Núna á föstudag og laugardag var haldið sjálfstyrkingarnámskeið á Reykhólum eins og hér var á sínum tíma greint frá. Reykhólahreppur, Þörungaverksmiðjan, Kvenfélagið, Lionsdeildin og foreldrafélag Reykhólaskóla styrktu þetta framtak mjög rausnarlega og voru allir nemendur 9 til 15 ára í Reykhólaskóla skráðir á námskeiðið. Það heppnaðist mjög vel og voru námskeiðshaldarar ánægðir með hvað krakkarnir í Reykhólaskóla væru samheldnir og skemmtilegir. Foreldrafundur var á föstudagskvöld og var hann mjög vel sóttur.
Námskeiðshaldarar voru Bjarni Fritzson og Kristín Tómasdóttir. Myndirnar voru teknar við þetta tækifæri.