9. mars 2010 |
Krefjast styrkingar á Gilsfjarðarvarnarlínu
Sauðfjárveikivarnanefnd Strandabyggðar og nágrannasveitarfélaga hefur gert alvarlegar athugasemdir við fjárframlög til viðhalds og endurbyggingar Gilsfjarðarlínu. Hefur nefndin krafist þess að þegar í stað verði veitt nægu fjármagni til styrkingar hennar þannig að sauðfé hætti að rápa yfir línuna og sama gildir um Kollafjarðarlínu. Þetta kemur fram í ályktun nefndarinnar vegna lungnapestar sem upp kom í sauðfé í Mið-Vestfjarðahólfi.
Krafðist nefndin þess jafnframt að landbúnaðarráðuneytið eða Matvælastofnun myndu sýna sauðfjárbændum stuðning í verki í samráði við sveitarstjórnir svo útrýma megi þessari nýju pest af svæðinu.