« 1 af 5 »

„Ég man ekki eftir svona góðri þátttöku seinustu ár,“ segir Kolfinna Ýr Ingólfsdóttir, formaður Umf. Aftureldingar í Reykhólahreppi, um Kvennahlaupið í morgun. Um fimmtíu manns tóku þátt í hlaupinu, en þar var Grettislaug bæði upphafsstaður og endamark. „Konur, börn í vögnum og nokkrir strákar. Veðrið var mjög gott og gaman að sjá hve margar konur tóku þátt, “ segir Kolfinna. „Frábært framtak,“ segir hún.

Þetta var í 25. sinn sem Kvennahlaupið er haldið hérlendis.

Myndirnar sem hér fylgja voru teknar á Reykhólum við þetta tækifæri.