15. apríl 2008 |
Kynning á aðalskipulagi Reykhólahrepps til 2018
Tillaga að aðalskipulagi Reykhólahrepps fram til 2018 verður kynnt á almennum íbúafundi á fimmtudag, 17. apríl. Hér er um að ræða skipulagsáætlun sem tekur til alls þess landsvæðis sem hreppurinn nær yfir, eða frá Gilsfirði að sunnan og allt vestur í Kjálkafjörð, auk Breiðafjarðareyja. Í áætluninni kemur m.a. fram stefna sveitarstjórnar um landnotkun, samgöngur, þjónustu, umhverfismál og þróun byggðar í hreppnum. Helsti tilgangur fundarins verður að leita eftir ábendingum og athugasemdum og gefa íbúum og hagsmunaaðilum tækifæri til að koma á framfæri hugmyndum sem snerta aðalskipulagið.
Að lokinni úrvinnslu frá fundinum mun sveitarstjórn óska eftir heimild Skipulagsstofnunar til að auglýsa aðalskipulagið. Á auglýsingatímanum gefst íbúum og öðrum hagsmunaaðilum tækifæri til að gera formlegar athugasemdir við tillöguna.
Kynningarfundurinn verður í Grunnskólanum á Reykhólum og hefst kl. 17 á fimmtudag. Þar munu skipulagsráðgjafar frá Landmótun gera grein fyrir tillögum og taka á móti athugasemdum.
Að lokinni úrvinnslu frá fundinum mun sveitarstjórn óska eftir heimild Skipulagsstofnunar til að auglýsa aðalskipulagið. Á auglýsingatímanum gefst íbúum og öðrum hagsmunaaðilum tækifæri til að gera formlegar athugasemdir við tillöguna.
Kynningarfundurinn verður í Grunnskólanum á Reykhólum og hefst kl. 17 á fimmtudag. Þar munu skipulagsráðgjafar frá Landmótun gera grein fyrir tillögum og taka á móti athugasemdum.