Brandenborgarhliðið í Berlín.

Kynningarfundur vegna ferðakaupstefnunnar ITB Berlín 2012 verður haldinn mánudaginn 12. desember kl. 8.30 í húsakynnum Íslandsstofu, Borgartúni 35. ITB er stærsta alþjóðlega ferðakaupstefnan í Evrópu og fer fram dagana 7.-11. mars. Sýningin er tvískipt. Fyrri hlutinn 7.-9. mars er fyrir fagfólk (B2B) en 10.-11. mars (laugardag og sunnudag) er hún opin almenningi.

Um 200.000 gestir heimsækja ITB-ferðakaupstefnuna á hverju ári. Sýningin fer fram í 20 sýningarhöllum sem eru allar á stærð við Laugardalshöllina.

Þátttaka Íslands í sýningunni er undir yfirskrift Visit Iceland. Sýningarbásinn er á sameiginlegu sýningarsvæði Norðurlanda.

Skráning fer fram á islandsstofa@islandsstofa.is eða í síma 511 4000.

Frekari upplýsingar veitir Davíð Jóhannsson, david@islandsstofa.is, sími +49 30 5050 4140.

Nánari upplýsingar um ITB er að finna á vef sýningarinnar.