Markaðsstofur landshlutanna gangast fyrir vinnufundinum Mannamóti fyrir samstarfsfyrirtæki sín 22. janúar kl. 11-17 í flugskýli Flugfélagsins Ernis á Reykjavíkurflugvelli. Fundurinn er hugsaður sem vettvangur til kynningar á ferðaþjónustu á landsbyggðinni og tækifæri til að koma á fundum fagaðila í greininni. Tilgangurinn er að kynna fyrirtæki á landsbyggðinni fyrir ferðaþjónum á höfuðborgarsvæðinu og koma á tengslum. Gestum gefst kostur á kynna sér það sem landshlutarnir hafa að bjóða með áherslu á vetrarferðamennsku.

Aðeins samstarfsfyrirtæki markaðsstofanna geta sem sýnendur tekið þátt í Mannamóti 2015.

Gjald og skráning:

Þátttökugjald fyrir hvert fyrirtæki er kr. 10.000. Skráningu lýkur núna á föstudag, 16. janúar. Skráning og ítarupplýsingar á www.naturaliceland.is.

Þetta kemur fram í tilkynningu frá Markaðsstofu Vestfjarða.