Sveitarstjórn Reykhólahrepps samþykkti á fundi sínum þann 17. nóv. 2017 að auglýsa uppfærða vinnslutillögu vegna breytinga á aðalskipulagi í samræmi við 2. mgr. 30. gr. skipulagslaga nr. 123/2010.

Aðalskipulagsbreyting felst í breyttri legu á Vestfjarðavegi (60) í sveitarfélaginu og nýrra efnistökusvæða.

Breytingin fjallar um leiðrétta veglínu á Vestfjarðavegi milli Bjarkalundar og Skálaness miðað við endurupptekið umhverfismat ásamt nýjum efnistökusvæðum, en veglína hefur breyst á nokkrum stöðum frá gildandi aðalskipulagi.

Markmið breytingarinnar er að auka umferðaröryggi á svæðinu með öruggari og burðarmeiri vegi sem og fækkun einbreiðra brúa. Breytingin er í samræmi við markmið gildandi aðalskipulags um vegi, en þar segir:

„Leitað verði hagkvæmustu lausna í vegagerð og stuðlað að umferðar- og rekstraröryggi og samtengingu byggðar“.

Á þessu stigi liggur ekki alveg ljóst fyrir hvor leiðin verður fyrir valinu og eru því báðar tillögur sýndar á uppdrætti á meðan ákvörðun liggur ekki fyrir. Þegar tillagan verður auglýst verður einungis ein leið sýnd.

Vinnslutillagan er birt á heimasíðu Reykhólahrepps, reykholar.is og einnig á skrifstofu Reykhólahrepps Maríutröð 5a 380 Reykhólahreppi. Upplýsingar eru einnig veittar hjá skipulagsfulltrúa.

Kynningarfundur um tillögu að breytingu á aðalskipulagi verður í Sjórnsýsluhúsi Maríutröð 5a, Reykhólum, mánudaginn 18. des. 2017, milli kl. 10 og 14.

Ábendingum skal skila skriflega til: Skipulags- og byggingarfulltrúa, Maríutröð 5a 380 Reykhólahreppur, eða á netfangið byggingarfulltrui@dalir.is eða sveitarstjori@reykholar.is eigi síðar en 5. jan. 2018.

Reykhólum 1. desember 2017

Bogi Kristinsson Magnusen

Skipulags- og byggingarfulltrúi