Sýningunni og keppninnni Matarhandverk 2014 sem halda átti á Patreksfirði dagana 2.-3. október hefur verið frestað. Í staðinn er stefnt að því að halda þennan viðburð 16.-17. apríl á næsta vori. Ákveðið var að bregðast við óskum og þörfum sýnenda með því að finna heppilegri tímasetningu, en að öðrum kosti hefði þátttaka og fjármögnun verið ónóg.

Framleiðendur og áhugasamir frumkvöðlar alls staðar af landinu eru hvattir til að nýta veturinn vel til áframhaldandi vöruþróunar á framúrskarandi og gómsætu matarhandverki til að kynna og keppa til verðlauna í vor, segir í tilkynningu frá Viktoríu Rán Ólafsdóttur verkefnastjóra hjá Atvinnuþróunarfélagi Vestfjarða. „Sjáumst þá!“ segir hún.

► Hér má finna allar upplýsingar um fyrirhugaða keppni og kynningu.