23. mars 2017 | Sveinn Ragnarsson
Langþráð stækkun Hólabúðar hafin
Ása og Reynir
Nú er undirbúningur hafinn að stækkun húsnæðis Hólabúðar. Verslunin og veitingasalan hjá þeim Ásu og Reyni er í frekar knöppu rými, svo ekki sé meira sagt, en nú sjá þau fram á bjartari tíma með mun betri vinnuaðstöðu.
Spaugað hefur verið með að þarna sé minnsti veitingastaður norðan Alpafjalla, með 1 fjögurra manna borð, en ekki hefur það komið niður á afgreiðslunni þó gestirnir væru fleiri en 4.
Stefnt er að því að viðbótin verði tilbúin í lok maí.
Meðfylgjandi myndir eru af undirbúningsvinnu, og Ásu og Reyni sem gáfu sér tóm frá störfum í búðinni til að stilla sér upp.