Reykhólaskóli / Árni Geirsson.

Reykhólaskóli auglýsir laus störf grunnskólakennara, leikskólakennara og stuðningsfulltrúa eins og nánar kemur fram hér fyrir neðan. Enn frekari upplýsingar gefur Ásta Sjöfn Kristjánsdóttir skólastjóri í síma 849 8531 og 434 7731 eða í netfanginu skolastjori@reykholar.is. Umsóknum skal skila í netfangið skolastjori@reykholar.is. Öllum umsóknum verður svarað.

Grunnskólakennari

Grunnskóladeild Reykhólaskóla óskar eftir að ráða grunnskólakennara í 60% starf í verkgreinum. Krafist er réttinda til kennslu í grunnskóla.

Hæfniskröfur

• Að hafa fjölbreyttar kennsluaðferðir á valdi sínu.
• Þekking á kennslufræði og uppeldisfræði.
• Áhugi á kennslu og vinnu með börnum.
• Frumkvæði og samstarfsvilji.
• Sveigjanleiki og víðsýni í starfi og samskiptum.
• Góðir skipulagshæfileikar.
• Gleði og umhyggja.
• Reglusemi og samviskusemi.

Ef ekki berast umsóknir frá grunnskólakennurum sem uppfylla hæfniskröfur er heimilt að ráða leiðbeinanda í stöðuna tímabundið til eins árs.

Leikskólakennari

Leikskóladeild Reykhólaskóla óskar eftir að ráða leikskólakennara tímabundið (í eitt ár) í 85% starf. Vinnutími er frá kl. 8 til 15 mánudaga til fimmtudaga og föstudaga frá kl. 8 til 14.

Hæfniskröfur

• Réttindi sem leikskólakennari skv. 3. gr. laga nr. 87/2008*).
• Færni í mannlegum samskiptum.
• Frumkvæði og sjálfstæði í starfi.
• Stundvísi.
• Jákvæðni og áhugasemi.
• Reglusemi og samviskusemi.

*) Ef ekki berast umsóknir frá leikskólakennurum sem uppfylla hæfniskröfur er heimilt að ráða leiðbeinanda í stöðuna tímabundið til eins árs.

Stuðningsfulltrúi 

Grunnskóladeild Reykhólaskóla óskar eftir að ráða stuðningsfulltrúa. Ráðið er tímabundið frá 17. ágúst 2015 til 20. maí 2016. Starfshlutfall er 65%. Karlar jafnt sem konur eru hvattir til að sækja um starfið. Launakjör samkvæmt kjarasamningi Launanefndar sveitarfélaga og viðkomandi stéttarfélags.

_________________

Reykhólaskóli á Reykhólum við Breiðafjörð er sameinaður grunnskóli og leikskóli með 62 nemendur á aldrinum 1 árs til 16 ára. Einkunnarorð skólans eru Vilji er vegur. Lögð er áhersla á skapandi starf og nám í gegnum leik. Skólinn er þátttakandi í Grænfánaverkefninu.